Agim Aliu takohet me talentin 9-vjeçar Nil Bytyçi dhe pranon portretin e tij artistik

Kandidati për kryetar të komunës së Pejës, Agim Aliu, nisi ditën me një takim të veçantë me vogëlushin ferizajas, Nil Bytyçi, një artist 9-vjeçar dhe nxënës i klasës së pestë në shkollën “Rizah Matoshi”.

Ai priti në zyrën e tij Nil së bashku me prindërit, znj. Nazife dhe z. Gazmend, ku pranoi me kënaqësi dhuratën, një portret të realizuar nga vetë talenti i vogël.

Aliu e përgëzoi Nilin për pasionin dhe talentin që kultivon që nga fëmijëria dhe shprehu bindjen se ai ka një të ardhme të ndritur në art.

Ky takim nënvizon rëndësinë që kandidati i jep mbështetjes së rinisë dhe zhvillimit të talenteve në komunën e Pejës.