Alternativa: Jemi njëra prej partive më transparente

Në kuadër të konferencës ‘Transparenca e partive politike’  të  organizuar nga WFD Western Balkans dhe British Embassy Skopje u prezantuan edhe rezultatet e analizës të realizuar nga Forumi për 
politika të arsyeshme, dhe rezulton që Alternativa ka arritur përparim 
të dukshëm në të gjitha segmentet e analizës.

Hulumtimi i fundit i PPTI-së, rezultatet e të cilit janë paraqitur në këtë Raport, është bërë në periudhën  qershor-nëntor të vitit 2024. Në këtë hulumtim janë përfshirë tetë parti politike nga Maqedonia  e Veriut: Alternativa, Aleanca për shqiptarët (krahu i Zijadin Selës dhe krahu i Arben Taravarit), Besa, VMRO-DPMNE, Bashkimi demokratik për  integrim (BDI), Partia liberal demokrate (PLD), Partia e re  socialdemokrate (PRSD) dhe Lidhja socialdemokrate e Maqedonisë (LSDM). 

Dy parti/lëvizje të reja politike (ZNAM dhe Lëvizja demokratike) u përfshinë në hulumtim dhe në aktivitetet e mentorimit të organizuara nga  WFD, edhe pse këtë vit matja e këtyre dy partive është lënë për shkak se  treguesit që maten kërkojnë një qasje më afatgjatë.

Në vitin 2024, Alternativa arrin një përparim të dukshëm në disa  segmente, veçanërisht në transparencën financiare, ku vihet re një nivel  i lartë i përputhjes me standardet ligjore dhe disponueshmëria e 
përmirësuar e informacioneve financiare. Në fushën e demokracisë  brendapartiake, partia tregon përkushtim për përforcimin e autonomisë së degëve dhe përmirësimin e jetës partiake, por sfidat mbeten të lidhura 
me barazinë gjinore dhe zhvillimin e strukturave horizontale.

Në segmentin e disponueshmërisë për publikun, nga ana tjetër,  performanca është përmirësuar dukshëm, por me hapësirë për korrigjime të  mëtejshme, veçanërisht për sa i përket versioneve gjuhësore, si dhe 
përshtatjeve për personat me nevoja të veçanta, thonë nga Alternariva. FM

The post Alternativa: Jemi njëra prej partive më transparente appeared first on Flaka, në çdo lajm... .