BDI nga nesër në takim me qytetarët

BDI-ja nesër do t’i nisë aktivitetet në terren nga Likova si mënyrë për të shprehur pakënaqësinë që ka 4 muaj nga pushteti aktual, përcjell FLAKA.

Një vendim të tillë e ka marrë kryesia qendrore e partisë në seancën e djeshme në Reçicë të Vogël.

“Kryesia qendrore e BDI-së ka pranuar iniciativën e degëve të saj që mbledhjet e degëve të mbahen me karakter të hapur, me prezencë të popullit, me prezencë të qytetarëve, në të cilat do të marrë pjesë kryesia më e lartë e BDI-së. Takimet me degët me popullin nisin nga e mërkura, ku takimi i parë do të mbahet në Likovë në ora 19:00, e më pas vazhdojnë me takimin e dytë që do të mbahet në Saraj”, qendron në njoftimin e BDI-së.

Në vend të protestave shkojnë në takime me qytetarët pasi në këtë kohë të vitit jashtë bën ftohtë, tha sot me shaka ministri i Shëndetësisë dhe një nga krerët e koalicionit VLEN, Arben Taravari.

BDI thotë se qeveria aktuale nuk ka legjitimitet etnik, gjë që sipas tyre ka dëmtuar marrëdhëniet ndëretnike në vend. Ajo kërkojnë vetting, kontrolle pasurisë dhe hetime të të gjitha partive politike. FLAKA

The post BDI nga nesër në takim me qytetarët appeared first on Flaka, në çdo lajm... .