Dhjetë kompani në RMV për pesë vjet kanë përfituar tenderë në vlerë mbi 1 miliard euro, e para në listë “Markovski Kompani”
Për një periudhë pesëvjeçare, konkretisht nga viti 2019 deri në vitin 2023, në vend janë lidhur kontrata për prokurim publik në vlerë të përgjithshme prej 359 miliardë denarë, përkatësisht 5,8 miliardë euro, ndërsa 36 përqind, përkatësisht rreth 2,1 miliardë euro nga vlera e tenderët u përkisnin 50 kompanive. Vetëm 10 kompanitë e para në krye […]
Për një periudhë pesëvjeçare, konkretisht nga viti 2019 deri në vitin 2023, në vend janë lidhur kontrata për prokurim publik në vlerë të përgjithshme prej 359 miliardë denarë, përkatësisht 5,8 miliardë euro, ndërsa 36 përqind, përkatësisht rreth 2,1 miliardë euro nga vlera e tenderët u përkisnin 50 kompanive. Vetëm 10 kompanitë e para në krye të kësaj liste, analiza e të cilave zbulon një përqendrim të lartë tenderash në një numër të vogël kompanish, kanë marrë tenderë me vlerë afër 1.3 miliardë euro, transmeton Portalb.mk.
Në listën e fituesve më të mëdhenj të tenderëve janë kompanitë e ndërtimit, tregtarët me shumicë, distributorët e derivateve të naftës. Disa nga kompanitë që janë në listën me 50 fituesit më të mëdhenj të tenderëve, pothuajse i gjithë biznesi i tyre qëndron në kontratat për prokurimin publik.
Këtë e tregon hulumtimi i Qendrës për Komunikim Civil (QKC) në 50 kompani që kanë përfituar më së shumti para nga prokurimi publik në periudhën 2019-2023.
Sipas hulumtimit, gjatë kësaj periudhe janë lidhur 168.400 kontrata të prokurimit publik me 6.378 kompani. Kjo, siç thuhet nga QKC, tregon se 9 përqind e totalit prej rreth 71.300 kompanive të regjistruara në vend kanë marrë tender.
Në nivel vjetor, shtohet se tenderë kanë marrë nga 3300 deri në 3800 kompani.
Në shumicën e tenderëve kompanitë nuk kishin konkurrencë.
E para në listën e fituesve më të mëdhenj të tenderëve është kompania “Markovski company – Borçe” nga Manastiri. Në periudhën e mbuluar nga hulumtimi, kjo kompani ka lidhur gjithsej 77 kontrata të prokurimit publik me vlerë të përgjithshme prej 151 milionë euro. Prej tyre, 66 tenderë kanë qenë me kompaninë shtetërore “Elektranat e Maqedonisë së Veriut” (EMV) në vlerë prej 141 milionë euro ose 93 përqind e vlerës së përgjithshme të tenderëve.
Një e pesta e vlerës së kontratave, gjegjësisht 30 milionë euro, sipas hulumtimit, kompania “Markovski kompani – Borçe” e ka marrë në procedurë jo transparente, gjegjësisht me negocim pa shpallje të publikuar më parë për publikun. prokurimi.
Ndryshe, kjo kompani dje ishte sërish në fokus të publikut, pasi drejtori aktual i REK “Manastir” njoftoi se ka ndërprerë marrëveshjen kornizë për minierat e thëngjillit dhe sterileve, e cila ishte nënshkruar në shkurt të këtij viti nga menaxhmenti i mëparshëm i “Elektranave të Maqedonisë së Veriut” me kompaninë “Markovski company – Borche” SH.PK. Marrëveshja ishte e vlefshme për 18 muaj, pra deri në gusht 2025. “Markovski Company” ka pasur edhe nënkontraktorë, ndër ta edhe dy firma nga Strumica, të cilat politika dhe media ndër vite shpesh i kanë lidhur me familjen e ish-kryeministrit Zoran Zaev.
Kujtojmë se Qendra për Komunikim Civile në një raport tjetër, gjeti se se prokurimi publik në vitin 2023 arriti vlerë rekord të lartë dhe konkurrencë të ulët rekord në 10 vitet e fundit. Janë lidhur kontrata për prokurim publik në vlerë totale prej 1.5 miliardë euro, që është 35% më shumë se një vit më parë. ipas monitorimit të prokurimit publik, numri mesatar i ofertave për tender ishte 2.7. Në një të tretën e tenderëve është marrë vetëm një ofertë. Mungesa e konkurrencës është pasojë e favorizimit të dokumenteve të tenderit dhe humbjes së besimit të sektorit të biznesit në konkurrencën e drejtë të prokurimit. Sipas Raportit, 51% e kompanive që marrin pjesë në prokurimet publike besojnë se ka korrupsion në prokurime dhe 23% e kompanive të përfshira në hulumtim janë përballur personalisht me të.
