“Djemtë tanë luajnë për historinë”, Hamza: Zemra e Kosovës sonte rreh në një ritëm

Kryetari i PDK-së, Bedri Hamza, u ka uruar suksese loatrëvë të Kosovës para ndeshjen me Turqinë, e cila do të zhvillohet sonte në ora 20:45 në Prishtinë.

Ai ka bërë me dije se sonte zemra e të gjithë shqiptarëve rreh në një ritëm.

Në profilin e tij në Facebook, Hamza ka shkruar se sonte ata lujnë për ëndrrën që e kemi pritur kaq gjatë.

“Sonte, zemra e Kosovës, por edhe e gjithë shqiptarëve anembanë, rreh në një ritëm. Për fanellën, për fitoren, për ëndrrën që e kemi pritur kaq gjatë. Në Stadiumin “Fadil Vokrri”, djemtë tanë luajnë për historinë. Për sakrificat e gjata e të vështira. Ta gëzojmë kombin me kualifikim! Suksese, djema! Forca, Kosovë!”, ka shkruar ai.

https://www.facebook.com/photo.php?fbid=1317027813647713&set=a.311352157548622&type=3&ref=embed_post