Dogana e RMV-së sekuestroi pajisje për minierë të kriptovalutave, suplemente dhe kanarina belge

Gjatë javës së kaluar, doganierët dhe ekipet mobile kanë penguar tentativa për kontrabandë të mallrave të ndryshme, pajisje kompjuterike të përdorura për minierat e kriptovalutave, suplemente, parfume me firma të markave të famshme të modës, një frigorifer kamioni, veshmbathje, si dhe u pengua një tentativë për import ilegal të zogjve, transmeton Portalb.mk.

Në pikën kufitare Bllacë u zbuluan pajisje kompjuterike të specializuara të destinuara për minierën e kriptovalutave. Është parandaluar tentativa për kontrabandën e 8.26 kilogramë suplemente (19 kuti me 60 thasë) Unicity Balance në vendkalimin kufitar Tabanoc.

Në pikën kufitare Dojran janë sekuestruar 173 parfume me firmën e markave të njohura Tom Ford, Versace, Armani e të tjera. Doganierët në hyrje të vendit në vendkalimin kufitar Dojran parandaluan tentativë për kontrabandë të frigoriferit për kamion.

Produkte të ndryshme, duke përfshirë një frigorifer, një karrige dentare, një aparat kafeje, janë zbuluar gjatë kontrollit të mallit të deklaruar për doganë importi në njësinë doganore të Tetovës.

Doganierët në vendkalimin kufitar Mexhitli parandaluan tentativën për kontrabandë të një makine dhe pajisje për tubacione të ujit.

Në vendkalimin kufitar Tabanov-autostradë, nga ana e doganierëve është gjetur një makinë për nevoja në industrinë e tekstilit.

Në pikën kufitare Bllacë janë sekuestruar 160 palë veshmbathje të markave Boss dhe Levis, si dhe 930 copë etiketa tekstili të qepura jashtë me firma të markës DSQ2.

Gjatë kontrollit të dy kamionëve në vendkalimin kufitar Tabanoc, janë zbuluar 50 kilogramë bojë e padeklaruar dhe disa kuti me mjete për lustrimin e automjeteve.

Në vendkalimin kufitar Tabanoc, ekipi mobil gjatë kontrollit të autobusit ka zbuluar 26 kanarina belge dhe 4 thasë me ushqim për shpendët.

Në vendkalimet kufitare Dojran dhe Bogorodicë është parandaluar kontrabanda e 28 pakove me cigare. Njëkohësisht në pikën kufitare Dojran janë zbuluar 10 pako cigare pa pullë akcize. 18 paketat e mbetura të cigareve pa pulla akcize janë zbuluar në vendkalimin kufitar Bogorodicë.