Duhej të kishte nisur konfiskimi i pasurisë së përfituar në mënyrë kriminale, heshtje në Policinë Financiare

Ligji për konfiskimin e pasurisë në procedurë civile, me të cilin zyrtarëve dhe qytetarëve do t’u konfiskohej prona që nuk mund të dëshmohet se janë fituar ligjërisht, nga sot është në fuqi, por institucioni kyç – Drejtoria e Policisë Financiare nuk ka përgjigje nëse aktivitete të caktuara janë iniciuar dhe nëse rastet e mundshme janë duke u monitoruar, përcjell FLAKA.

Në Ministrinë e Financave thonë se po punohet për hartimin e metodologjisë për vlerësimin se sa mund të vlejë prona e dyshimtë dhe nëse ajo mund të jetë blerë me ndershmëri nga një zyrtar aktual apo ish-funksionar, biznesmen apo ndonjë person tjetër.

“Ju njoftojmë se Ministria e Financave së bashku me institucionet kompetente janë në fazën e harmonizimit të Metodologjisë për Vlerësimin e Pasurisë dhe se pas përfundimit të këtij procesi do të miratohet nga Ministria e Financave. Përkatësisht, theksojmë se Ministria e Financave sipas ligjit ka obligim të miratojë Metodologji, ndërsa autoritet kompetent për zbatimin e ligjit dhe akteve nënligjore është Drejtoria e Policisë Financiare”, thonë nga Ministria e Financave.

Ky ligj ka hyrë në fuqi më 12 mars 2024 dhe është dashur të fillojë aplikimi pas gjashtë muajsh, që do të thotë nga shtatori i kaluar. Nëse ka dyshime nga Prokurori Publik dhe Drejtoria e Policisë Financiare, vetë konfiskimi duhet të bëhet nga Prokuroria e Shtetit.

“Prokuroria shtetërore e Republikës së Maqedonisë së Veriut do të veprojë në përputhje me dispozitat e Ligjit për konfiskimin e pasurisë në procedurë civile”, thuhet në njoftimin e shkurtër nga aty.

Nga Prokuroria Publike thonë se duhet kohë për të parë rezultatet e para të këtij ligji.

“Përfaqësuesit e Prokurorisë Publike janë përfshirë në mënyrë aktive dhe kanë kontribuar në hartimin e zgjidhjeve ligjore për konfiskimin e pasurisë në procedurë civile. Prokuroria Publike përgatitet dhe vepron në përputhje të plotë me kompetencat e parapara me ligjet në fuqi. Efektet nga aplikimi i zgjidhjeve të reja ligjore të miratuara do të mund të analizohen pas skadimit të një periudhe të caktuar të aplikimit”, thonë nga atje.

Ligji për origjinën e pronës, i cili u shty nga përbërja e vjetër e Komisionit Kundër Korrupsionit për të verifikuar origjinën e pasurisë së të gjithë qytetarëve, përfundimisht përfundoi me një ligj të “modifikuar” për konfiskimin e pronës në procedurë civile, i miratuar pak para ndryshimit të qeverisë. Sipas këtij ligji, Policia Financiare ka kompetencën të mbledhë të dhëna për pronat, përvetësimi i të cilave vërtetohet se është nga burime të ligjshme, por aty, siç janë gjërat, ka disa motive për të heshtur.

Përbërja e re e Komisionit Shtetëror për Parandalimin e Korrupsionit paralajmëroi rishikim të ligjit, për shkak të paqartësive dhe mospërputhjeve me ligjet e tjera, ndërsa organizatat joqeveritare kundërshtuan se ai mund të interpretohej ndryshe dhe të abuzohej.

Ndërkohë, vera ka kaluar dhe ne kemi hyrë në vjeshtë sipas kalendarit, por deri më tani nuk kemi dëgjuar dhe zbuluar se një proces i gjerë i shqyrtimit të origjinës së pasurisë së ministrave, deputetëve, gjyqtarëve, prokurorëve e të tjerë zyrtarë ka filluar dhe po vazhdon. FLAKA

The post Duhej të kishte nisur konfiskimi i pasurisë së përfituar në mënyrë kriminale, heshtje në Policinë Financiare appeared first on Flaka, në çdo lajm... .