Erdhi nga diaspora për të përkrahur Bujar Osmanin: Nuk është vetëm votë, është besë dhe dashuri për Çairin

Kandidati i koalicionit VLEN për Komunën e Çairit, Bujar Osmani, ka ndarë sot një moment simbolik nga fushata, duke njoftuar ardhjen e qytetarit të parë nga diaspora për zgjedhjet e 19 tetorit.

“Saiti erdhi i pari. Nga diaspora, me zemër plot dashuri për vendin,” tha Osmani, duke nënvizuar përkushtimin e bashkatdhetarëve që po kthehen për të votuar.

Ai theksoi se Sait Ameti është shembull i ndjenjës së përgjegjësisë qytetare dhe dashurisë për vendlindjen:
“Sait Ameti, qytetari i parë që erdhi për të votuar më 19 tetor, për ndryshimin historik që Çairi e ka pritur për vite.”

Osmani e cilësoi këtë veprim si më shumë se një akt politik:
“Kjo nuk është vetëm votë, është besë dhe dashuri për Çairin. Ndryshimi ka filluar! Ju mirëpresim!”

The post Erdhi nga diaspora për të përkrahur Bujar Osmanin: Nuk është vetëm votë, është besë dhe dashuri për Çairin appeared first on Flaka, në çdo lajm... .