Fetai: VLEN vetëm po forcohet dhe do t’i fitojë bindshëm zgjedhjet lokale!

Zv/kryeministri për politika dhe sundim të mirë, Arben Fetai, në intervistën e tij për gazetën LAJM, ka thënë se koalicioni VLEN është duke u focuar dhe se në zgjedhjet lokale do të fitojë bindshëm.

“Koalicioni VLEN vetëm ka shkuar duke u forcuar. Përsa i përket bashkëpunimit keni parasysh që jemi një koalicion i ri, kemi vetëm një cikël zgjedhor bashkë, por kemi formuar shumë trupa të përbashkët. Ajo që është e sigurt është se koalicioni VLEN në zgjedhjet lokale shkon bashkë me kandidatët e përbashkët për kryetar komune dhe do i fitojë bindshëm zgjedhjet lokale sepse kemi një BDI që është në rënie të lirë”, tha Fetai në intervistë për gazetën LAJM.