FNA: Faton Murseli e ka fituar titullin docent në mënyrë të kundërligjshme në UT

Forumi për Ndryshime në Arsim (FNA) ka deklaruar se profesori Faton Murseli në mënyrë të kundërligjshme e ka marrë titullin docent në Universitetin e Tetovës, transmeton Portalb.mk. 

“Faton Murseli, i njohur për përvojën në posedim të gjërave që nuk i takojnë, nuk i takon as titulli ‘docent’, pasi e ka fituar atë në mënyrë të kundërligjshme. Inspektorati i Arsimit e konfirmoi këtë pas parashtresës nga Forumi për Ndryshime në Arsim”, thanë nga FNA. 

Ata kërkuan nga Universiteti i Tetovës të fillojë urgjentisht procedurën për t’ia hequr titullin dhe të vendosë përpara përgjegjësisë komisionin që e mundësoi këtë. 

Kujtojmë se së fundmi Faton Murseli është përmendur në storjet investigative të Laboratorit të Gazetarisë Investigative për legalizimin e paligjshëm të vikend-shtëpizës në Kodrën e Diellit. 

• LEXO: Me elaborat gjeodezik të paligjshëm është legalizuar vikend shtëpiza e Faton Murselit në Kodrën e Diellit
• LEXO: Si e ndihmoi Komuna e Tetovës profesorin Faton Murseli që të ndërtojë pa leje në Kodrën e Diellit në tokën e dikujt tjetër