Gjykimi i ri për 27 prill, avokati i të pandehurit Davidovski kërkon përjashtimin e gjykatësit
Avokatët e Dejan Davidovski Desho, i akuzuar për dhunën në Kuvend më 27 prill 2017, kërkuan përjashtimin e gjyqtarit Ilija Trpkov për shkak të njëanshmërisë, transmeton Portalb.mk. Avokati Toni Menkinovski tha se në deklaratën e gjyqtarit kur ka dhënë aktakuzë për organizatorët e hyrjes (dhunës) në Kuvend, ka pasur interpretime të ngjarjes, për këtë arsye […]
Avokatët e Dejan Davidovski Desho, i akuzuar për dhunën në Kuvend më 27 prill 2017, kërkuan përjashtimin e gjyqtarit Ilija Trpkov për shkak të njëanshmërisë, transmeton Portalb.mk.
Avokati Toni Menkinovski tha se në deklaratën e gjyqtarit kur ka dhënë aktakuzë për organizatorët e hyrjes (dhunës) në Kuvend, ka pasur interpretime të ngjarjes, për këtë arsye nuk pritet gjykim i drejtë.
Përveç Menkinovskit, avokat i të pandehurit është edhe Vane Andreev, avokat shumëvjeçar i ish-kryeministrit Zoran Zaev, i cili ishte në mesin e të sulmuarve të enjten e përgjakshme.
Davidovski akuzohet për rrezikim terrorist të rendit kushtetues. Ai u largua nga vendi dhe ishte në Suedi, por Gjykata e Lartë atje nuk lejoi ekstradimin sepse bëhej fjalë për krim politik.
Kujtojmë që nga dhuna e 27 prillit 2017 në Kuvend, u lënduan mbi 100 persona në mesin e tyre edhe deputetë dhe gazetarë.
