Imri Ahmeti: Projekti i ri në lagjen “Mostina” nis vitin e ardhshëm

Kandidati për kryetar të Komunës së Lipjanit ka njoftuar për fillimin e një projekti të ri infrastrukturor në lagjen “Mostina”, i cili do të nisë realizimin vitin e ardhshëm.

“Rrugë të reja dhe moderne për Lipjanin. Projekti në lagjen ‘Mostina’ do të fillojë vitin e ardhshëm dhe do ta transformojë këtë zonë,” tha ai.

Ky projekt pritet të përmirësojë ndjeshëm qarkullimin dhe cilësinë e jetës për banorët e kësaj lagjeje, duke qenë pjesë e një vizioni më të gjerë për zhvillimin urban të qytetit.

“Qyteti ynë po ecën përpara dhe do të vazhdojë të zhvillohet me projekte që prekin drejtpërdrejt jetën e qytetarëve. Përtej fjalëve, me punë për Lipjanin!”.