Kim Kardashian kritikohet për bizhuteritë luksoze në plazh

Kim Kardashian ndezi polemika pasi publikoi fotografi nga pushimet në një vend tropikal, ku shfaqej me bizhuteri të çmuara të vendosura rreth kyçit të këmbës.

Ekspertja e bizhuterive Julia Chafe komentoi se aksesori i Kim, që përfshinte safirë rozë dhe diamante, “kushton më shumë se një shtëpi”.

Chafe theksoi se guximi i Kim për të mbajtur bizhuteri kaq të shtrenjta në plazh e bën atë “të jashtëzakonshme”, ndërsa vlerësoi kalimin e saj nga diamantet tek safirët, shkruan DailyMail.

Megjithatë, shumë ndjekës e kritikuan Kim për shfaqjen e pasurisë, duke kujtuar premtimin e saj pas grabitjes në Paris për të mos ekspozuar bizhuteri online.

Përveç aksesorëve të shtrenjtë, Kim ndau fotografi të pushimeve me fëmijët dhe motrën Khloe Kardashian, duke shijuar aktivitete si peshkimi dhe lojërat në bregdet.

Ndërkohë, Kim përgatitet të dëshmojë në gjyqin për grabitjen e vitit 2016 ku iu vodhën bizhuteri me vlerë 9 milionë dollarë.

Ish-bashkëshorti i saj, Kanye West, së fundmi shkaktoi debat duke deklaruar se “duhej të kishte pasur fëmijë me Paris Hilton” në një transmetim të drejtpërdrejtë në Twitch.