Kim Kardashian largohet nga drama e Kanye West, me fotografi provokuese në Instagram

Ndërkohë, reperi Kanye West ka nxitur polemika duke përfshirë vajzën e tyre 11-vjeçare, North, në këngën e tij më të re, e cila thuhet se përmban edhe zërin e Diddy.

Kjo ka shqetësuar Kim-in, e cila ka ndërmarrë hapa ligjorë për të ndaluar publikimin e këngës dhe për ta hequr atë nga rrjetet sociale, shkruan DailyMail.

Diddy, aktualisht në pritje të gjyqit për akuza të rënda, e ka bërë situatën edhe më të ndjeshme për Kardashianët, të cilët nuk dëshirojnë që vajza e tyre të lidhet me këtë skandal.

Pasi kënga u publikua, Kanye nisi një tiradë të ashpër në rrjetet sociale kundër familjes Kardashian, duke pretenduar se ata po e pengojnë të shohë fëmijët e tij dhe duke bërë deklarata të ashpra ndaj kompanive si Hulu dhe Disney.

Ai gjithashtu publikoi biseda të supozuara me Kim-in, ku dyshohet se kërcënonte se do të shkonte “në luftë” për të drejtat mbi vajzën e tyre.

Një burim pranë Kardashianëve ka deklaruar për DailyMail se Kim do të bëjë gjithçka për të mbrojtur fëmijët e saj nga fjalimet dhe sjelljet e Kanye-s.

Ajo tashmë ka kërkuar ligjërisht që North të mos përfshihet në këtë situatë.

Me tensionet mes tyre në rritje dhe debatin për të drejtat mbi fëmijët që vazhdon, duket se konflikti mes Kim dhe Kanye është larg përfundimit.