Korrupsioni në RMV kërcënim për jetën, “Platforma”: Kërkojmë të ndërmerren hapa konkrete ndaj korrupsionit

“Platforma” – platforma e organizatave qytetare kundër korrupsionit në Republikën e Maqedonisë së Veriut ka dalur sot me kërkesa konkrete deri të institucionet kompetente me qëllim të ndërprerjes së praktikës së mosndëshkueshmërisë, drejtësisë selektive dhe kryerjes së detyrimeve sa për sy e faqe, shkruan Portalb.mk.

“Kërkojmë urgjentisht të ndërmerren hapat në vijim si: Hetim i paanshëm dhe transparent për zjarrin në Koçan, reformë të tërësishme të politikës së ndëshkueshmërisë, përgjegjësi për institucionet dhe kompanitë që nuk i kanë kryer obligimet, kontrolle në terren gjatë inspektimeve të jashtëzakonshme, kontrollin e gjendjes së pronës dhe interesat e inspektorëve dhe shërbyesve të cilët vendosin për dhënie të lejeve dhe licencave, revizion të procedurave për marrjen e lejeve dhe licencave, ndryshimin e ligjeve për të mos qenë alibi për lëshimet e mëparshme, reagim të menjëhershëm pas gjeteve të Komisionit kundër korrupsionit, vendosjen e përgjegjësisë vertikale në institucione dhe ndalimin e presionit ndaj organizatave civile, lëvizjeve, iniciativave dhe mediave”, thanë nga “Platforma”.

Nga aty thonë se korrupsioni në Republikën e Maqedonisë së Veriut është kërcënim për jetën dhe sigurinë e qytetarëve dhe jo vetëm keqpërdorim i mjeteve publike.

“Tragjeditë si zjarri në Koçan, Llaskarcë, “Besa Trans” dhe spitali modular në Tetovë janë pasojë e drejtpërdrejt e lëshimeve të sistemit, punësimeve jo kompetente dhe pakujdesisë institucionale. Pa zbatimin e ligjit dhe reformat e vërteta në sistem, tragjeditë do të përsëriten”, thanë mes tjerash në paraqitjen e tyre para mediave nga Platforma.

Sipas Platformës, kërkesat të cilat po i përcjellin sot janë hapa kryesore drejt krijimit të një shteti ku qytetarët do të ndjehen të sigurtë dhe me dinjitet, ku do të mund të lëviznin të lirë dhe pa frikë.

Tragjeditë që tronditën Maqedoninë e Veriut:

Zjarri që ndodhi më 16 mars në një lokal nate në Koçani, kanë humbur jetën 59 persona, ndërsa kishte 196 të lënduar që trajtohen brenda dhe jashtë vendit.

Më 23 nëntor 2021 ndodhi tragjedia ku 45 udhëtarë nga Maqedonia e Veriuthumbën jetën në aksidentin e autobusit duke u kthyer prej Stambollit.

Më 8 shtator të vitit 2021 Maqedonia e Veriut u godit nga një nga tragjeditë më të mëdha, zjarri që përfshiu Spitalin Modular të Tetovës ku trajtoheshin pacientët me virusin Covid-19, i mori jetën 14 personave,

Aksidenti i autobusit  më 13 shkurt 2019, kur autobusi i “Durmo Tours” i cili lëvizte në linjën e rregullt Shkup-Gostivar doli nga autostrada afër fshatit Llaskarcë rezultoi me 16 të vdekur dhe 38 të plagosur.