Kundërspin: Integrimi evropian është ende një qëllim abstrakt nëse negociatat nuk fillojnë

Është mjaft e qartë se ne duhet të plotësojmë kërkesat, kapitujve dhe gjithçka tjetër që nënkupton arritjen e përputhshmërisë me legjislacionin evropian për të zbatuar dhe jetuar vlerat evropiane. Por kjo nuk do të thotë se me zbatimin e Agjendës së Reformës jemi një hap më afër realizimit të së ardhmes sonë në BE. Sepse edhe po t`i përmbushim plotësisht – 100 për qind – Agjendën, BE-ja do të mbetet një e ardhme e largët abstrakte nëse negociatat konkrete nuk fillojnë. Dhe pasiguria nëse do të fillojnë varet nga pasiguria që ka të bëjë me ndryshimin e Kushtetutës dhe kornizës negociuese, si dhe marrëdhëniet dypalëshe me Bullgarinë, transmeton Vërtetmatësi.

Shkruan: Teofil Bllazhevski

Duke folur në një debat në Kuvendin e Maqedonisë të dedikuar për Agjendën e Reformave në rrugën drejt BE-së, ministri për çështje evropiane Orhan Murtezani në një pjesë të deklaratës bëri një spin..

Spin: Kur fola për herë të fundit këtu, para Komisionit të Përbashkët Parlamentar ndërmjet Maqedonisë së Veriut dhe Bashkimit Evropian, theksova se ka momente në histori që përcaktohen jo vetëm nga vendosmëria jonë, por edhe nga guximi dhe vizioni i partnerëve tanë. Sot, para jush, rojeve të pushtetit legjislativ, e përsëris atë mesazh. E ardhmja jonë në Evropë nuk është ndonjë qëllim abstrakt në horizontin e largët; Është një realitet që ne e krijojmë, ditë pas dite, përmes angazhimit tonë të përbashkët…

[Qeveria e RMV/web: Murtezani/fjalimi – Data: 22.04.2025]

Kundërspin:Ministri për Çështjet Evropiane Orhan Murtezani, me sa duket me qëllimin më të mirë për të shpjeguar pse na duhet Agjenda e Reformës, megjithatë deklaroi një shtrembërim të së vërtetës kur tha se e ardhmja jonë në Evropë nuk ishte një qëllim abstrakt në një horizont të largët por është pikërisht ashtu nëse nuk fillojnë negociatat konkrete.

Domethënë, është mjaft e qartë se duhet të plotësohen kushtet e kapitujve dhe gjithçka tjetër që nënkupton arritjen e përputhshmërisë me legjislacionin evropian për të zbatuar dhe jetuar vlerat evropiane, të cilat ndonjëherë mbivlerësohen nga pikëpamja që as vetë BE-ja nuk i zbaton plotësisht në të gjitha shtetet anëtare. (Për shembull, a zbatohet vlera evropiane e unitetit në diversitet në të gjitha shtetet anëtare?)..

Është gjithashtu mjaft e qartë në publik se shteti i së drejtës, lufta kundër korrupsionit, liria e tregut pa elementë të tillë si abuzimi i së njëjtës liri, marrëveshjet e fshehta monopoliste apo korrupsioni i atyre që marrin vendime, lufta për të drejtën për një mjedis të pastër apo lufta për të parandaluar diskriminimin për çfarëdo baze… janë të gjitha nevoja jetike të qytetarëve të vendit, jo vetëm për shkak të BE-së.

Por kjo nuk do të thotë se me zbatimin e Agjendës së Reformës jemi një hap më afër realizimit të së ardhmes sonë në BE, të cilën po e ndërtojmë dita-ditës, siç thotë Murtezani. Ashtu si lideri i opozitës Venko Filipçe, duke folur në të njëjtën ngjarje, tha se të gjithë e dinë pse kemi bërë kaq shumë sakrifica dhe nuk kemi arritur asnjë rezultat – gjë që nuk është saktësisht e vërtetë, sepse LSDM-ja po hudh nga një pjesë e fajit të saj këtu – e njëjta gjë është edhe me spinin e Murtezanit.

Sepse edhe po të përmbushim plotësisht – 100 për qind – Agjendën, BE-ja do të mbetet një e ardhme e largët abstrakte nëse nuk fillojnë negociatat konkrete. Një pyetje krejtësisht tjetër është pse qeveria e mëparshme nënshkroi një kornizë të tillë negociuese, nëse BE-ja mund të japë apo jo garanci se çështjet dypalëshe nuk do ta pengojnë procesin tonë në të ardhmen, apo nëse mund të ndryshojë apo jo kornizën negociuese, të paktën në pjesën e protokolleve ndërmjet qeverisë maqedonase dhe bullgare.

Pra, BE-ja do të mbetet një e ardhme e largët abstrakte nëse negociatat konkrete nuk fillojnë kapitull pas kapitulli. Dhe pasiguria nëse do të fillojnë, varet nga pasiguria që ka të bëjë me ndryshimin e Kushtetutës dhe kornizës negociuese, si dhe marrëdhëniet dypalëshe me Bullgarinë.

Për këto arsye, pjesa e fjalimit të Murtezanit ku ai pohon se integrimi në BE nuk është një qëllim i largët dhe abstrakt, mund të vlerësohet si një shtrembërim i së vërtetës (spin).