Mbrëmje bamirëse në Tetovë nga Penda për bursa studentore 

Asociacioni për Edukim “Penda” më 18 prill në hotel “Merkur” në Tetovë organizon mbrëmje bamirësie ku të ardhurat do të shkojnë për bursa studentore, raporton Portalb.mk. 

Mbrëmja do të fillojë nga ora 18:00, ndërsa përveç prezantimit për vizionin dhe angazhimin e Pendës, pjesë e mbrëmjes do të jenë edhe: 

• Performanca muzikore nga Ansambli Dardanus. 
• Ankandi i pikturave nga artistët e mirënjohur tetovarë: (Nehat Beqiri, Nevzat Kica, Behar Ferati, Drenusha Palloshi, Enesa Memeti), të cilët kanë kontribuar vullnetarisht duke dhuruar pikturat e tyre. 
• Prezantim i librit “Tetova në Rrjedhën e Historisë” nga autori Ferhan Mertol Jakupi.
• Ndarja e mirënjohjeve për dy rektorët e parë të universiteteve në Tetovë si dhe për veteranët e arsimit. 

“Të gjitha të ardhurat nga kjo mbrëmje do të shkojnë për bursa studentore, duke mbështetur kështu edukimin e gjeneratave të reja”, thonë nga Penda. 

Të gjithë të interesuarit biletat mund t’i blejnë duke klikuar KËTU, një biletë kushton 1800 denarë, ku përfshihet edhe darka.