“Më lini rehat”, Livia përlotet pas debateve që pati me grupin e saj

Livia Brunga është në televotim të kësaj jave së bashku me Loredana Bratin.

Kjo pas një nominimi që iu bë kokë me kokë nga opinionistët: Arbër Hajdari dhe Neda Balluku.

Pas spektaklit, ajo duket se pati përplasje me disa prej tyre, veçanërisht me grupin e saj ku përfshihen: Rozana Radi, Egli Tako dhe Gjesti.

Livia shprehet se u ndje e vetme dhe se nuk e kanë mbrojtur në asnjë moment si dhe mendon që ata e duan jashtë.

Në një moment, ajo u përlot teksa i kërkoi Eglit që të largohej e të bashkohej me Gjestin.

Veç kësaj, përplasje të ashpra pati edhe me Rozanën që i ka qëndruar pranë që nga fillimi.