Memedi: Pacientët ngjiten shkallëve pasi ashensorët nuk funksionojnë, nëse bie zjarr nuk kemi ujë ta shuajmë
Dy ashensorët e Klinikës së Fëmijëve nuk funksionojnë, aparati EEG nuk funksionon, por është bërë blerje, stacioni i pompimit është i prishur dhe vetëm një pompë mundëson presion për hidrantët. Këtë e theksoi drejtori i Klinikës së Fëmijëve, Rexhep Memedi, i cili foli për disa sfida me të cilat përballet klinika, por edhe për të […]
Dy ashensorët e Klinikës së Fëmijëve nuk funksionojnë, aparati EEG nuk funksionon, por është bërë blerje, stacioni i pompimit është i prishur dhe vetëm një pompë mundëson presion për hidrantët. Këtë e theksoi drejtori i Klinikës së Fëmijëve, Rexhep Memedi, i cili foli për disa sfida me të cilat përballet klinika, por edhe për të arriturat që ka institucioni, transmeton Portalb.mk.
“Mungesa e kuadrove është një mangësi sistematike që vazhdon prej vitesh. Po, specializantët janë në detyrë, por janë të pranishëm edhe specialistët. Kemi mungesë serioze të stafit. Në 15 vitet e fundit, 40 specialistë janë larguar nga Klinika ose në pension ose në shëndetësi private. Mungesa e tillë e stafit është një çështje që nuk mund të zgjidhet brenda natës”, tha Memedi.
Ai tha se dy ashensorë nuk funksionojnë, se aparati EEG nuk funksionon por ka bërë blerje, si dhe tha se kuzhina ku përgatitet ushqimi është që para 20 vitesh. Po ashtu Memedi tha e arritur është që është siguruar hormoni i rritjes për fëmijët, andaj ka theksuar se tash nuk ka fëmijë që presin hormonin, gjegjësisht e marrin të gjithë ata që kanë nevojë për të.
“Kohët e fundit kemi qenë dëshmitarë të një fushate asimetrike të drejtuar kundër klinikës sonë dhe kundër meje, e cila ka tentuar të tregojë se për drejtimin tim prej 3 muajsh ka pasur një shkallë të lartë të vdekjeve në Klinikën e Fëmijëve. Por statistikat zyrtare nga Klinika e Fëmijëve thonë se tani kemi dyfishin e vdekshmërisë në krahasim me 5 vitet e mëparshme dhe trefishin e vdekshmërisë në krahasim me 10 vjet më parë. Nuk duhet të lejojmë që disa keqdashës të dëmtojnë gjithë stafin dhe Klinikën e Fëmijëve, e cila punon 24 orë dhe kujdeset për shëndetin e të gjithë fëmijëve”, theksoi drejtori.
Në lidhje me stacionin e pompimit, për të cilin tha se ishte i prishur dhe se vetëm një pompë mundëson presion për hidrantët, ai tha se ishte me defekt.
“Kemi mungesë uji çdo javë. Një pompë siguron presion për hidrantët. Nëse një zjarr ndodh nëpër kate, ne nuk kemi asnjë mënyrë për ta shuar . Jam duke punuar për zgjidhje dhe do të sigurojmë stacion të ri pompimi. Ashensorët janë mbi 40 vjeç dhe dy nuk kanë punuar që para se të marr detyrën. Pacientët tanë ngjitin shkallët. Do të instalojmë dy ashensorë të rinj. Dy të tjerat do t’i zëvendësojmë vitin e ardhshëm”, tha drejtori.
Klinika për sëmundje të fëmijëve ishte në shënjestër të mediave dhe opinionit në rastin e vdekjes së foshnjës 14 muajshe . Familjarët kërkonin dorëheqjen e Ministrit Taravari dhe Drejtori të Klinikës për Fëmijë, Rexhep Memedi.
Vajza, ndërroi jetë më 5 nëntor 2024, në Klinikën për sëmundje të fëmijëve në Qendrën klinike “Nënë Tereza” në Shkup.
Raporti i Inspektoratit Shëndetësor dhe Sanitar ka konfirmuar se para se të përkeqësohej gjendja shëndetësore dhe të ndërronte jetë, foshnja 14 muajshe është dërguar disa herë për trajtim te mjeku amë dhe te klinika për Sëmundje të Fëmijëve, por vazhdimisht është lëshuar për mjekim shtëpiak.
