Një muaj mundësi për qytetarët e RMV-së për të aplikuar në thirrjet publike për shfrytëzimin e tokës bujqësore

Qytetarët e Maqedonisë së Veriut do të mund të aplikojnë brenda 30 ditëve për shfrytëzimin e tokës bujqësore që është në pronësi shtetërore, transmeton Portalb.mk.

“Janë shpallur 5 Thirrje Publike për dorëzimin e ofertave për dhënien me qira të tokës bujqësore në pronësi shtetërore. Thirrja e parë publike i referohet dorëzimit të ofertave për dhënien me qira të tokës bujqësore në pronësi shtetërore mbi 3 hektarë”, raportoi Ministria për Bujqësi, Pylltari dhe Ekonominë e Ujërave.

Ministria sqaroi që katër Thirrjet tjera janë për pronë shtetërore deri në 3 hektarë për rajone të ndryshme.

Ofertat duhet të dorëzohen deri te Ministria.