Pas fitores 1:0, turqit në Kosovë krijojnë atmosferë festive në rrugë

Turqia ka shënuar fitore  1:0 në përballjen e sotme ndaj Kosovës në Prishtinë, në stadiumin “Fadil Vokrri”.

Menjëherë pas përfundimit të ndeshjes, komuniteti turk në Kosovë ka nisur festën, duke krijuar atmosferë festive me tupana dhe daulle në rrugët e Mamushes.

Gazetarja e Kanal 10, Sara Shehu, ka raportuar nga vendi i ngjarjes, duke sjellë pamje dhe detaje nga festimet, ku dhjetëra qytetarë janë mbledhur për të shënuar këtë fitore.

Sipas raportimeve, atmosfera është karakterizuar nga këngë, valle dhe entuziazëm, ndërsa festa pritet të vazhdojë edhe në orët në vijim.