Për nxënësit me nevoja të veçanta, në Maqedoninë e Veriut do të pranohen edhe 93 asistentë

Në shkollat fillore të Maqedonisë së Veriut do të punësohen edhe 93 bashkëpunëtorë profesional , 47 për mësimin në gjuhën maqedonase, ndërsa 46 për gjuhën mësimore shqipe, transmeton Portalb.mk.

“Shpallje Publike për punësim në kohë të caktuar të 93 bashkëpunëtorëve profesional-praktikantëve-asistentëve arsimor për nxënës me nevoja të veçanta në arsimin fillor”, thuhet në njoftimin e publikuar nga Shkolla Fillore me Qendër Resurse “Idnina” në Shkup.

Konkursi do të jetë i hapur deri të martën. Aplikimet mund të dërgohen në objektin “Idnina” në Shkup në orarin 08:00-15:00.

Ndryshe, fëmijët me nevoja të veçanta në shkollat ​​e mesme të Maqedonisë së Veriut do të bëhen me asistentë arsimorë kur të përfundojë rishqyrtimi, plotësimi dhe miratimi i Ligjit për Arsimin e Mesëm. Edhe pse ministrja e arsimit dhe shkencës Vesna Janevska paralajmëroi se nga janari i këtij viti procesi arsimor do të mund të zhvillohet me asistentë arsimorë, procesi vazhdon të mbetet i bllokuar në bankat e Kuvendit.

Sipas të dhënave nga Raporti i KE-së, në shkollat ​​fillore janë integruar gjithsej 2.200 nxënës me nevoja të veçanta arsimore, ndërsa në arsimin e mesëm janë regjistruar 314 nxënës, pikërisht përmes përfitimeve të mbështetjes që e japin asistentët arsimorë që i përhapin iniciativat për inkluzivitet.

Edhe krahas rëndësisë së jashtëzakonshme të asistentëve arsimorë, në fillim të këtij viti shkollor kishte një vonesë në nënshkrimin e kontratave për punë për asistentët arsimorë, gjë që pamundësoi ndjekjen e mësimit në ditët e para të shtatorit nga fëmijët me zhvillim atipik.

• LEXO: RMV, ende nuk ka asistentë arsimorë në shkollat e mesme, presin miratimin nga deputetët
• LEXO: Janevska paralajmëroi zgjidhje sistematike për angazhimin e asistentëve: Nga janari do të jenë prezent edhe në shkollat ​​e mesme
• LEXO: RMV, fëmijët me nevoja të veçanta arsimore kërkojnë asistentët e tyre, ministrja ua hedh fajin drejtorëve
• LEXO: Komisioni antidiskriminim: Angazhimi i asistentëve arsimorë për nxënësit me aftësi të kufizuara në RMV është vonuar
• LEXO: Ministrja sqaroi që mbi një mijë asistentë pritet të jenë në shkolla, ndërsa për konkursin i fajësoi shkollat