Prej muajsh, një pjesë e bregut të Liqenit të Ohrit në Strugë po shembet

Prej muajsh, një pjesë e bregut të Liqenit të Ohrit në Strugë po shembet. Megjithëse situata po bëhet alarmante, askush nga autoritetet kompetente nuk ndërmerr masa për të riparuar bregun. Bëhet fjalë për lokalitet të frekuentuar, prej ku kalojnë çdo ditë një numër i madh qytetarësh.

Jo vetëm që nuk ndërmerret asgjë, por kjo pjesë e bregut që është shembur, nuk është as i shënuar. Sezoni turistik po vjen, kështu që frekuenca e njerëzve këtu do të jetë e madhe.

Qytetarët thonë se nga një dallgë më e madhe edhe ajo ka mbetur do të shkatërrohet.

“Kjo është katastrofë, por këtu nuk dihet asgjë. Këtu nuk ka ligj. Në Strugë nuk ka ligj. Ndërtohet, rrënohet dhe është katastrofë. Unë peshkoj këtu çdo ditë, është kështu për dy muaj. Do të përhapet, sidomos nëse nisin dallgët, dhe e gjitha kjo do të dështojë”, tha një qytetar.

“Kjo është kështu me muaj. Kjo është kështu që nga koha kur u bë pastrimi i Drinit të Zi. Dhe ata hynë nën murin mbajtës dhe nëse e panë apo jo. Kishte një çarje të vogël, kështu që ajo u zgjerua dhe bie çdoi ditë poshtë e më poshtë. Nëse nuk riparohet, do të vazhdojë. Për momentin, askush nuk ndërmerr asgjë. Siguria nuk është e mirë sidomos për fëmijët”, shtoi një qytetar tjetër.

Kërkuam qëndrim edhe në Komunën e Strugës në Ndërmarrjen Publike ELEM, nën kompetencën e të cilëve është bregu dhe kur planifikojnë të bëjnë riparimin, por nuk morëm përgjigje./Alsat.mk