Zgjedhjet 2025/ Qeveria shton fondin për KQZ, 20 milionë lekë për fazën përgatitore
Këshilli i Ministrave ka miratuar në mbledhjen e fundit një vendim për shtesën e fondit në buxhetin e vitit 2024 për Komisionin Qendror të Zgjedhjeve. Sipas këtij vendimi, KQZ do të marrë një fond shtesë prej 20.9 milionë lekësh, të cilat do të përdoren për mbulimin e shpenzimeve përgatitore që i paraprijnë zgjedhjeve të vitit […]
Këshilli i Ministrave ka miratuar në mbledhjen e fundit një vendim për shtesën e fondit në buxhetin e vitit 2024 për Komisionin Qendror të Zgjedhjeve.
Sipas këtij vendimi, KQZ do të marrë një fond shtesë prej 20.9 milionë lekësh, të cilat do të përdoren për mbulimin e shpenzimeve përgatitore që i paraprijnë zgjedhjeve të vitit të ardhshëm.
Njoftimi:
“Në mbështetje të nenit 100 të Kushtetutës, të neneve 5 e 45, të ligjit nr.9936, datë 26.6.2008, “Për menaxhimin e sistemit buxhetor në Republikën e Shqipërisë”, të ndryshuar, dhe të nenit 14, të ligjit nr.97/2023, “Për buxhetin e vitit 2024”, të ndryshuar, me propozimin e ministrit të Financave, Këshilli i Ministrave vendosi:
- Komisionit Qendror të Zgjedhjeve, në buxhetin e miratuar për vitin 2024, në programin 01610 “Planifikim, menaxhim, administrim”, i shtohet fondi prej 20 900 000 (njëzet milionë e nëntëqindmijë) lekësh, në zërin “Shpenzime korrente”, për mbulimin e shpenzimeve përgatitore, që i paraprijnë zgjedhjeve për Kuvendin, të vitit 2025.
- Efekti financiar, sipas pikës 1, të këtij vendimi, përballohet nga fondi rezervë i buxhetit të shtetit, miratuar për vitin 2024.
- Ngarkohen Ministria e Financave dhe Komisioni Qendror i Zgjedhjeve për zbatimin e këtij vendimi.
Ky vendim hyn në fuqi menjëherë dhe botohet në “Fletoren zyrtare”.
