Rita Ora: Udhëtoj shpesh për shkak të punës, aeroplani është bërë shtëpia ime

Në një intervistë të fundit për Time Out London, Rita Ora, ylli i muzikës pop, foli për jetën e saj të ngarkuar dhe si aeroplani është bërë shtëpia e saj e përhershme për shkak të udhëtimeve të shpeshta që bën.

Ora shpjegoi se ndërsa është në mes të një programi mjaft të ngjeshur të udhëtimeve, aeroplani është kthyer në një vend të zakonshëm për të, një lloj “divani udhëtues”.

“Sinqerisht, [të jesh] në një avion – ai është shtëpia ime”, tha ajo. Ajo shtoi se ka mësuar ta trajtojë si një mjedis të përshtatshëm për relaksim dhe pushim gjatë lëvizjeve të pandërprera.

Për më shumë se një dekadë në industrinë e muzikës, Ora ka fituar aftësinë për t’i përballuar udhëtimet e gjata. Ajo kurrë nuk harron të mbajë me vete kufjet që anulojnë zhurmën, sprej lavandre, një maskë për sytë dhe peceta higjienike, duke theksuar se “nuk ka kohë për të që të sëmuret”.

Në intervistë, Rita Ora tërhoqi vëmendjen edhe për faktin se udhëtimet e saj nuk janë gjithmonë luksoze, duke shpjeguar se shpesh përdor makina, trena, autobusa dhe autobusë turnesh për të lëvizur nga një destinacion në tjetrin. “Kur e kupton se sa shumë udhëton, bëhet mbingarkuese”, tha ajo me një ton që tregon se është mësuar me këtë mënyrë jetese.

Në të njëjtën kohë, Ora po shijon një jetë të balancuar, duke ndarë kohën mes Londrës, Los Angelesit dhe Zelandës së Re, ku ajo dhe bashkëshorti i saj, regjisori Taika Waititi, kanë blerë një shtëpi të re.

Në fund të fundit, për Rita Orën, aeroplani nuk është më vetëm një mjet transporti, por një pjesë përbërëse e jetës së saj të përditshme, një vend ku ajo gjen çlodhje dhe rehati mes një kalendari të ngjeshur angazhimesh.