RMV, kontrolloni nëse jeni përfitues i bursës studentore, MASh ka publikuar listat

Ministria e Arsimit dhe Shkencës (MASH) shpalli dje rezultatet e konkursit për bursa studentore. Këtë vit sipas konkursit janë planifikuar 3000 bursa. Të gjitha kategoritë e bursave ndahen për nëntë muaj gjatë vitit akademik dhe janë në shumë prej 6.050 denarë, me përjashtim të bursave për programet studimore në kimi, fizikë dhe matematikë, si dhe ato për shkencat bujqësore, veterinare dhe pyjore, të cilat arrijnë shumën deri në 18.000 denarë në muaj, transmeton Portalb.mk.

Nga Ministria e Arsimit dhe Shkencës thonë se të gjithë aplikantët do të marrin vendim përmes portalit elektronik “e-uslugi.mon.gov.mk”.

Përfituesit e bursave nuk kanë nevojë të dorëzojnë ndonjë marrëveshje të printuar dhe të nënshkruar. Të gjitha të drejtat dhe detyrimet në lidhje me përdorimin e bursës janë të përcaktuara në vendim.

Kandidatët e refuzuar, megjithatë, kanë mundësi të paraqesin ankesë në Komisionin shtetëror për vendimmarrje në procedurat administrative, procedurat e marrëdhënies së punës dhe mbikëqyrjen inspektuese në shkallë të dytë, në afat prej 15 ditësh nga dita e marrjes së vendimit, në adresën e Komisionit Shtetëror blvd. “Goce Dellçev” nr. 18 (ndërtesa e RTVM, kati 11).

Listat e studentëve që kanë realizuar të drejtën e përdorimit të bursës për secilin nga grupet i gjeni në këto linqe:

• Grupi i parë

Grupi i parë – Bursa për studentë të rregullt nga kategoritë sociale të regjistruar në ciklin e parë të studimeve universitare në universitetet publike dhe institucionet e arsimit të lartë në Republikën e Maqedonisë së Veriut.

• Grupi i dytë

Grupi i dytë – mesatare e lartë

Grupi i dytë – Studentë të regjistruar në programet e studimit të shkencave kompjuterike në universitetet shtetërore

Grupi i dytë – Studentë të regjistruar në programet e studimit të shkencave kompjuterike në universitetet private

Grupi i dytë – programe studimore në gjuhën maqedonase, letërsi maqedonase 

Grupi i dytë – programet studimore në historinë e artit, arkeologji, arte të bukura dhe etnologji dhe antropologji

• Grupi i tretë

Grupi i tretë – studime në shkencat bujqësore, veterinare dhe pyjore

Grupi i tretë – universitetet shtetërore

Grupi i tretë – universitetet private

Grupi i tretë – studime të Fizikës

Grupi i tretë – studime të Kimisë

Grupi i tretë – studime të Matematikës

• Grupi i katërt

Grupi i katërt – 30 bursa për studentë të regjistruar në vitin e parë të programeve të studimit në institucionet e arsimit të lartë për edukimin e stafit mësimdhënës në arsimin parashkollor, fillor dhe të mesëm.