RTK e konfirmon: Dorëhiqet Zana Spahiu nga pozita e u.d Drejtoreshës

Ushtruesja e detyrës së drejtoreshës së përgjithshme të RTK-së, Zana Spahiu, ka dhënë dorëheqje nga kjo pozitë.Lajmi është konfirmuar nga vetë televizioni publik në lajmet e orës 23:00.Aty thuhet se dorëheqja është efektive nga data 30.07.2024.

Pas skandalit të fundit që filloi me një lajm të rremë për Periskopin dhe Nacionalen, e që po vazhdon me prapaskenat e presioneve politike në televizionin publik, Zana Spahiu ëshë dorëhequr. Gjithashtu gjatë ditës dorëheqjen e ka kërkuar edhe Jeton Musliu redaktor në Edicionin e Lajmeve Qendrore.

Spahiu e ka marrë këtë detyrë më 7 korrik, pasi kishtë dhënë dorëheqje Shkumbin Ahmetxhekaj.