SHBA: Situata në lidhje me negociatat me Iranin është e paqëndrueshme

Shtëpia e Bardhë e ka përshkruar situatën në lidhje me negociatat e paqes për t’i dhënë fund konfliktit iranian si “fluide”, pasi Presidenti Donald Trump foli për përparim “domethënës” dhe “marrëveshje për pothuajse të gjitha pikat kryesore”.

“Diskutimet delikate diplomatike janë duke vazhduar dhe SHBA-të nuk do të negociojnë përmes shtypit. Situata është fluide dhe spekulimet rreth takimeve të mundshme nuk duhet të konsiderohen përfundimtare derisa të njoftohen zyrtarisht nga Shtëpia e Bardhë”, tha zëdhënësja Karoline Leavitt për BBC-në .