“Shtekli”, MPB: Shkatërrohet grupi kriminal – arrestohen 14 persona!

Më 18 dhe 19 janar 2025, Departmenti për shkatërimin e krimit të organizuar serioz në koordinim me njësinë e operacioneve speciale policore, nën udhëheqjen e Prokurorisë për Ndjekjen e Krimit të Orgazniuar dhe Korrupsionit, pas hetimeve kriminalistike disamujore ka zbatuar një aksion të koordinuar policor ku, sic thuhet, është shkatëruar një grup kriminal nga Shkupi që përbëhej nga 14 anëtarë.

Grupi kriminal, sic thuhet në komunikatë, një kohë të gjatë ka qenë e implikuar në kryerjen e veprave penale në fushën e tregtisë së jashtëligjshme me drogë.

Dyshohet se organizatori i grupit kriminal përmes pjesëtarëve ka kryer distribuimin dhe shitjen në rrugë të drogës narkotike.

Gjatë operacionit njoftohet se janë kryer bastisje tek 16 persona, në 21 lokalitete në rajonin e Shkupit dhe Gjevgjelisë, ku janë gjetur gjësende ndaj të cilëve do të bëhet ekspertizë forenzike.

Gjatë ditës, sic njofton MPB-ja, do të dorëzohet kallëzimi penal kundër 14 personave, por duke marrë parasysh se ende vazhdojnë aktivitetet taktiko-operative në koordinim me Prokurorin kompetente Publik, opinioni në mënyrë plotësuese do të njoftohet me më shumë informacione.

MPB-ja dje njoftoi se gjatë një aksioni policor sipas një urdhëri të Prokurorisë për Ndjekjen e Krimit të Organizuar dhe Korrupsionit, nga liria ishte privuar Rade Trajkovski – Shtekli. Ai dyshohet për tregti me drogë, kurse MPB-ja dhe Byroja për Siguri Publike janë duke gjurmuar për të arrestuar të gjithë grupin që udhëhiqet nga ai. Sipas njoftimit të mediave, Shtekli ishte arrestuar gjatë tentativës së arratisjes në një hotel afër Gjevgjelisë. /tvklan.mk