Sot protestohet në Prishtinë, kërkohet lirimi i ish-policit Arbnor Spahiu nga paraburgimi në Serbi

Sot me fillim nga ora 12:00, në sheshin “Skënderbeu” në Prishtinë do të mbahet një protestë paqësore në mbështetje të ish-policit Arbnor Spahiu.

Kërkesa e vetme e kësaj proteste, është lirimi i tij nga paraburgimi në Serbi, ku po mbahet tash e katër muaj.

Në njoftimin e familjes Spahiu, thuhet se kjo protestë ka për qëllim t’u bëjë thirrje institucioneve vendore dhe atyre ndërkombëtare që të ngrisin zërin kundër padrejtësisë.