Taravari: Opinioni të ndjekë faktet dhe jo propagandën e BDI-së, kompetencat e sigurisë në Aeroport i ka TAV-i
Kreu i ASH-së, Arben Taravari ka reaguar në lidhje me incidentin me presidenten e Kosovës në Aeroportin e Shkupit, përcjell TV21. Taravari thotë se opozitarja BDI po bën propagandë me këtë rast, duke theksuar se përgjegjës për sigurinë në Aeroport është kompania TAV, e jo Ministria e Punëve të Brendshme. Në vijim reagimi i plotë […]
Kreu i ASH-së, Arben Taravari ka reaguar në lidhje me incidentin me presidenten e Kosovës në Aeroportin e Shkupit, përcjell TV21. Taravari thotë se opozitarja BDI po bën propagandë me këtë rast, duke theksuar se përgjegjës për sigurinë në Aeroport është kompania TAV, e jo Ministria e Punëve të Brendshme.
Në vijim reagimi i plotë i Taravarit:
Si VLEN, shprehim shqetësimin tonë se si një parti politike në Maqedoninë e Veriut, konkretisht BDI, po përdor gënjeshtra dhe manipulime në përpjekje për të dëmtuar vetëm VLEN-in, pa u shqetësuar për pasojat që mund t’i sjellë Kosovës. Ne i bëjmë thirrje opinionit që të ndjekë faktet dhe jo propagandën e BDI-së.
Faktet janë si më poshtë:
1. MPB dhe shteti nuk kanë kompetencë mbi sigurinë e aeroportit, por kjo është në kompetencë të koncesionarit, në këtë rast TAV-it.
2. Sipas Konventës së Vjenës, udhëheqësit shtetërorë kanë trajtim të veçantë gjatë udhëtimit, por detajet e protokolleve të sigurisë i përcakton koncesionari i aeroportit.
3. Një keqkuptim i ngjashëm ka ndodhur edhe kur Talat Xhaferi ishte kryeministër teknik, pse BDI-ja nuk flet për këtë? Dhe e ftojmë BDI-në të përgjigjet nëse gjatë udhëtimeve të tyre kanë shmangur skanerat.
Edhe një herë i bëjmë thirrje BDI-së të ndalojë përhapjen e manipulimeve dhe të ndalojë dëmtimin e marrëdhënieve midis Kosovës dhe Maqedonisë së Veriut, ndërsa opinionin e ftojmë të mos bie pre e propagandës së BDI-së.
