Thaçi: Çdo ftese të qeverisë unë do i përgjigjem pozitivisht për dialog

Kryetari i Partisë Demokratike Shqiptare, Menduh Thaçi pas Kuvendit Qendror të partisë tha se do t’i përgjigjet pozitivisht për dialog çdo ftese të qeverisë, përcjell TV21. Thaçi shtoi se është koha që VLEN të realizojë premtimet.

“Çfarë do të bëjmë ne me qeverinë, PDSH-ja? Njëherë, çdo ftesë të qeverisë unë do i përgjigjem pozitivisht për dialog. Dy, a mundet më VLEN-i të mos ne e përdor argumetet se, shihni BDI-ja çfarë bën, duan të hyjnë në pushtet, të na rrëzojnë. BDI-ja iku, e keni PDSH-në që nuk dëshiron të hyjë në pushtet dhe u thotë ok, jeni legjitim, hajdeni tash jepni llogari për ato që i keni premtuar. Sa kohë doni? Doni 100 ditë, apo doni 200? Çfarë keni premtuar? E gjithë dynjaja e di”, the mes tjerash Thaçi.