“Ti s’ke kapacitet, ty të dhemb tjetërkund”, përplasje e fortë mes Vullnetit dhe Xuxit në spektakël

Shtëpia më e famshme në vend, Big Brother VIP Kosova, vazhdon të jetë një arenë debatesh dhe tensioni mes banorëve.

Këtë herë, protagonistë të një diskutimi të ashpër ishin Xuxi dhe Vullneti, të cilët përplasën qëndrimet e tyre rreth çështjes së aleancave.

Gjithçka nisi kur Xuxi u ndal për të sqaruar një frazë të tij që kishte ngjallur dyshime: “Kur them ‘maju me mu’, nuk do të thotë se po i ftoj banorët për aleancë”.

Kjo deklaratë u pasua nga kundërshtimi i Vullnetit, i cili pretendoi se Xuxi ka një prirje për të kërkuar bashkëpunime indirekte, duke bërë që situata të eskalojë më tej.

Nga ana tjetër, Vullneti u mbrojt duke zbuluar një moment të tyre personal: “Kam shkuar te Xuxi dhe i kam thënë që të krijojmë debat mes gazetarësh, por nuk i kam kërkuar kurrë aleancë”.

Ky pohim duket se shtoi më shumë konfuzion në radhët e banorëve dhe u bë shkas për debat të ashpër. Teksa banorët përpiqen të ndërtojnë marrëdhënie që i ndihmojnë në lojë, tensionet dhe përplasjet duket se janë të pashmangshme.