Yjet e kopshtit “Lulevere” vizituan NP “Termokos”

Grupi “Yjet” i 24 fëmijëve parashkollorë të kopshtit “Lulevere” të shoqëruar nga mësueset e tyre dhe disa prindër kanë vizituar sot NP “Termokos”.

Ata u mirëpritën nga Kryeshefi Ekzekutiv i ndërmarrjes, z. Fisnik Osmani, i cili i shoqëroi ata në ambientet e ndërmarrjes dhe u ndau dhurata simbolike.

Fëmijët ishin shumë të entuziazmuar teksa po shihnin nga afër procesin e shpërndarjes së ngrohjes, me të cilën furnizohet edhe kopshti i tyre. Kurreshtarë nga ajo që po shihnin, disa prej tyre filluan t’i vizatojnë pajisjet. / Front Online /