Afrim Gashi dha dorëheqje nga pozita e kryetarit të subjektit politik Alternativa, këtë detyrë do ta kryejë Bekim Sali

Subjekti politik Alternativa pritet të ketë udhëheqës të ri, pasi kryetari dhe deputeti I kësaj partie, Afrim Gashi, ka dhënë dorëheqje, transmeton Portalb.mk.

“Për shkak të kandidimit për kryetar të Kuvendit të RMV-së, Afrim Gashi ka dhënë dorëheqje nga funksioni i kryetarit të Alternativës”, njoftoi Alternativa.

Alternativa theksoi që arsyeja e largimit të Gashit nga funksionet partiake është për shkak se neni 67 i Kushtetutës, nuk lejon që kryetari i Kuvendit të jetë edhe funksionar ose kryetar i ndonjë subjekti politik.

“Para kësaj, konform statutit të Alternativës, kryetari Afrim Gashi e ka autorizuar nënkryetarin Bekim Sali që t’i kryejë detyrimet formale të partisë deri në zgjidhjen përfundimtare të temës së kryetarit të Alternativës”, sqaroi Alternativa, duke shtuar që në Kuvendin Qendror të këtij subjekti më 23 maj është diskutuar kandidimi i Gashit për kryetar komune.

Subjekti politik Alternativa e udhëhequr nga Afrim Gashi, ishte pjesë e koalicionit VLEN, koalicion i cili mori 14 deputet. Ky koalicion pritet të marrë postin e Kryetarit të Kuvendit.

Koalicioni “Vlen” dhe VMRO-DPMNE kanë formuar grupe pune për zhvillimin e negociatave për formimin e koalicionit qeveritar, duke llogaritur që koalicioni “Maqedonia juaj” e udhëhequr nga VMRO-DPMNE ka fituar 58 mandate parlamentare.

• LEXO: Taravari konfirmoi një pjesë të dikastereve qeveritare, nesër do të shpallet marrëveshja VMRO-VLEN
• LEXO: VMRO dhe VLEN ranë dakord për bashkëpunim për qeverinë e ardhshme
• LEXO: Grupet e punës nga VMRO-DPMNE dhe VLEN për formimin e koalicionit qeveritar pritet të fillojnë punën nesër
• LEXO: Taravari: Deri të premten do të kemi marrëveshje për qeverinë e re