Antikorrupsioni ka pranuar ankesë kundër drejtoreshës së Agjencisë për Inteligjencë, e cila iu dorëzua për vendim presidentes Siljanovska-Davkova

Komisioni Shtetëror për Parandalimin e Korrupsionit (KSHPK) ka pranuar ankesë ndaj drejtoreshës aktuale të Agjencisë për Inteligjencë, Gabriela Jakovleva. Në ankesë, siç njoftoi KShPK në seancën e djeshme, thuhet se nuk i ka dorëzuar raportet për punën e Agjencisë në disa organe në vend, siç parashihet me Ligjin për Agjencinë për Inteligjencë, transmeton Portalb.mk.

“Sipas Ligjit për Agjencinë e Inteligjencës në nenin 3 paragrafi 2 është rregulluar që Agjencia i informon autoritetet në shtet për çështjet në kompetencë të saj – Kryetarin e Kuvendit, Qeverinë, Kryetarin e Qeverisë, si dhe Këshillit Koordinues të Komunitetit të Sigurisë-Inteligjencës dhe organeve të tjera në administratën shtetërore në varësi të subjektit të veprimit. Ankesa i referohej drejtimit se drejtoresha e Agjencisë ende nuk ka dorëzuar informacion për punën e saj në Kuvend, i cili shkëmbim i të dhënave sipas ligjit varet nga vetë objekti i interesit të punës”, ka thënë anëtarja e KSHPK, Cveta Ristovska, në seancën e djeshme të Komisionit.

Komisioni Kundër Korrupsionit bëri me dije se nuk mund të hyjnë në juridiksionin nëse komunikimi dhe shkëmbimi i të dhënave ndërmjet Agjencisë së Inteligjencës dhe autoriteteve të tjera është në përputhje me nevojat, pasi siç thonë ata, presidenti i shtetit është përgjegjës për ligjshmërinë në veprimet e AI.

Andaj, zyrtarët kundër korrupsionit vendosën që rastin t’ia përcjellin për vendim presidentes Gordana Siljanovska-Davkova, nën juridiksionin e së cilës është Agjencia për Inteligjencë.

“KSHPK nuk ka kompetencë të hetojë nëse komunikimi sipas ligjit ndërmjet institucioneve të përmendura rrjedh sipas nevojave dhe dinamikës së përcaktuar nga vetë Agjencia. Për shkëmbimin e informacioneve të tyre, nëse janë në kohë dhe vend në përputhje me ligjin, vlerëson presidentja e shtetit”, tha anëtarja e KSHPK-së, Cveta Ristovska.

Krahas kësaj, në seancën e djeshme të KSHPK-së është paraqitur edhe një ankesë ndaj një punonjësi të Agjencisë së Inteligjencës, i cili dyshohet se kishte fotografi të selisë së partisë në Facebook gjatë zgjedhjeve parlamentare. Ata nuk do të veprojnë as për këtë rast, siç bënë me dije nga KSHPK-ja, dhe pretendimet e këtij rasti duhet të kontrollohen nga kontrolli i brendshëm i Agjencisë së Inteligjencës.