Blair i shkruan Kurtit pas vizitës: E ardhmja e shtetit të bukur të Kosovës është e ndritur, pres të vijë përsëri

Kryeministri i Kosovës, Albin Kurti ka publikuar letrën që ish-kryeministri britanik, Toni Blair ia ka drejtuar atij pas vizitës që e pati në vendin tonë me rastin e 25-vjetorit të çlirimit të Kosovës.

Në fund të letrës Blair thotë se “E ardhmja e Kombi i bukur i Kosovës është i ndritshëm”.“Duke mbyllur një javë historike për vendin tonë, duke festuar 25-vjetorin e çlirimit dhe paqes sonë, doja të falënderoja të gjithë për fjalët e tyre kuptimplota dhe të ndaja një mesazh nga një prej miqve të dashur të vendit tonë, kryeministri Toni Bler: “E ardhmja e Kombi i bukur i Kosovës është i ndritshëm”, shkroi Kurti në rrjetin social X.

I dashur Albin,

Doja t’ju falënderoja shumë për kohën tuaj dje. Ishte kënaqësi të takohesha me ju gjatë vizitës sime në Kosovë gjatë kësaj jave historike dhe isha shumë i lumtur që mora dhuratën e çmuar.

Ishte një nder i vërtetë të vizitoja Kosovën për të shënuar rastin e rëndësishëm të Çlirimit. Miqësia e popullit të Kosovës ka rëndësi të madhe për mua. E ardhmja e kombit të bukur të Kosovës është e ndritshme dhe mezi pres të kthehem sërish një ditë.

Mezi pres të takohemi përsëri së shpejti.