Deri 2000 euro gjobë për institucionet që nuk raportojnë

Publikimi i raporteve tremujore bëhet i detyrueshëm për institucionet publike. Me ndryshimet e reja ligjore të propozuara nga Qeveria, mungesa e transparencës do të sanksionohet me gjoba që variojnë nga 500 deri në 2000 euro për drejtuesit që nuk i përmbushin detyrimet

Raportet tremujore bëhen të detyruara për institucionet publike, në të kundërt do të gjobiten deri në 2000 euro. Kjo është dispozita e re që planifikohet me ndryshimet në Ligjin për përdorimin e të dhënave nga sektori publik, sipas të gilave të gjitha institucionet do të kenë detyrimin të publikojnë të dhënat që krijojnë gjatë veprimtarisë së tyre dhe njëkohësisht t’i bëjnë ato të disponueshme për publikun. “Autoritetet dhe institucionet nga sektori publik janë të detyruara, sipas mundësive teknike, të publikojnë të dhënat që krijojnë në ushtrimin e kompetencave të tyre, të cilat do t’i vënë në dispozicion për përdorim. Të dhënat në një format të lexueshëm duhet të publikohen si të dhëna të papërpunuara në një format të përpunueshëm nga kompjuteri dhe të jenë të disponueshme në një format të hapur së bashku me meta të dhënat e tyre në nivelin më të ulët të detajeve. Ata janë të detyruar t’i përditësojnë të dhënat në përputhje me dinamikën që përcaktojnë vetë, duke siguruar saktësinë e të dhënave, ndërsa në një vend të dukshëm shënojnë datën e përditësimit të fundit “, thuhet në propozim-amendamentin e dorëzuar në Parlament.

Propozues është Qeveria dhe është përcaktuar se standardet teknike vendosen nga Ministri i Shoqërisë Informative dhe Administratës. Ministria do të jetë përgjegjëse për mbajtjen e një katalogu qendror të të dhënave të sektorit publik të publikuara për përdorim bazuar në një katalog të të dhënave nga organet dhe institucionet.

Ligji përcakton se institucionet do të jenë të detyruara të njoftojnë Ministrinë e Shoqërisë së Informacionit dhe Administratës së paku një herë në tremujor për publikimin e të dhënave të reja të përdorimit, në mënyrë që ato të lidhen dhe publikohen në katalogun qendror të të dhënave të sektorit publik. Ministria mund të detyrojë çdo institucion që në mënyrë plotësuese të publikojë të dhënat që i krijon në ushtrimin e kompetencave të saj. Nëse nuk respektohen afatet, Ministria do të njoftojë Inspektoratin Administrativ Shtetëror, i cili do të veprojë në përputhje me kompetencat e tij. Mbikëqyrjen e zbatimit të dispozitave të këtij ligji e kryen Ministria, ndërsa për mosrespektim të ligjit parashihen gjoba duke filluar nga 500 euro.

Drejtuesi i një institucioni mund të gjobitet nga 1000 deri në 2000 euro nëse nuk vepron sipas ligjit. E njëjta masë dënimi parashikohet edhe për një punonjës apo drejtues në Ministri nëse nuk vepron në përputhje me ligjin. Për dispozita të ndryshme parashikohen dënime të ndryshme. Pra, një pjesë e gjobave variojnë nga 500 deri në 1000 euro. Gjoba më e ulët që mund të marrin drejtuesit është deri në 300 deri në 500 euro. “Çdo autoritet apo institucion i sektorit publik është i detyruar të sigurojë përditësimin e rregullt të të dhënave të publikuara për përdorim, funksionalitetin e faqes së internetit ku publikohen të dhënat dhe funksionalitetin e lidhjes me katalogun qendror të të dhënave të sektorit publik në www.otvorenipodatoci. gov.mk”, thuhet në ligj, ku theksohet se do të caktohet një person kontaktues i ngarkuar për rregullimin teknik dhe publikimin e të dhënave. (koha.mk)

The post Deri 2000 euro gjobë për institucionet që nuk raportojnë appeared first on Flaka, në çdo lajm... .