Dua Lipa pas mbarimit të “Sunny Hill”: Faleminderit që erdhët për t’u bashkuar, jemi shumë mirënjohës

Festivali Sunny Hill ka përfunduar me sukses të jashtëzakonshëm dhe organizim të shkëlqyer, dhe Dua Lipa ka shprehur një ndjenjë të thellë krenarie dhe mirënjohjeje për këtë ngjarje të veçantë.

Përmes një postimi në Instagram, këngëtarja shqiptare me famë botërore, ka ndarë emocionet e saj dhe ka falënderuar të gjithë ata që kontribuan në suksesin e festivalit.

Dua Lipa ka shprehur entuziazmin e saj përkatësisht duke shkruar: “Kam shumë për të postuar nga këto katër ditët e fundit në @sunnyhillfestival nuk di as nga t’ia filloj! Unë kam mbetur me një ndjenjë kaq të madhe krenarie pas kësaj fundjave të gjatë, sa nuk mund të qetësohem nga gjithë emocionet”.

Foto: Dua Lipa/Instagram

Ajo vazhdoi të shprehë mirënjohjen e saj për ekipin dhe bashkëpunëtorët: “Nuk mund të shpreh sa duhet gëzimin e pastër, që është të dëshmosh, që ky festival të bëhet ai që është bërë gjatë pesë viteve të fundit. Duke e parë atë të rritet dhe të bëhet diçka më shumë nga sa mund të kishim ëndërruar ndonjëherë”.

Foto: Dua Lipa/Instagram

Dua Lipa përfundoi me një mesazh falënderues për të gjithë ata që kontribuan dhe morën pjesë: “Për më tepër, është ta bëj këtë me gjithë familjen time dhe me të gjithë @republikaagency. Të shikosh të gjithë duke punuar kaq palodhshëm gjatë gjithë kohës ka qenë gjëja më emocionuese, e bukur, frymëzuese, energjike, stresuese (nganjëherë), por gjëja më shpërblyese që jam shumë krenare që jam pjesë e saj”.

Foto: Dua Lipa/Instagram

Ky postim i Dua Lipës pasqyron jo vetëm suksesin e festivalit, por gjithashtu angazhimin dhe dedikimin e saj për të promovuar dhe mbështetur kulturën dhe artin në Kosovë.