Dy punëtorë janë lënduar rëndë gjatë kryerjes së detyrave të punës në Maqedoni

Dy punëtorë janë lënduar rëndë gjatë kryerjes së detyrave të punës

MPB njofton se dje në ora 14:20 në Policinë e Ohrit është raportuar se në fshatin Delogozhdë të Strugës, S.G.(63) nga Ohri, punëtor në një kompani në Shkup, ka pësuar lëndime trupore gjatë kryerjes së detyrave të punës.

Në vendngjarje kanë dalur punonjësit e policisë dhe në bashkëpunim me inspektoratin e punës është kryer kontroll, gjatë të cilit është konstatuar se gjatë punimeve ndërtimore rreth rrjetit të kanalizimit është shembur një pjesë e gërmimit duke i shkaktuar S.G., lëndime dhe është transportuar në spitalin special “Shën Erazmo” në Ohër, ku janë konstatuar lëndime të rënda.

Për ngjarjen është njoftuar prokurori publik kompetent nga Prokuroria Publike e Strugës.

Në ora 17:30 në Policinë e Kavadarit është raportuar se M.S. (55) nga fshati Krivolak i Negotinës, me lëndime të rënda është sjellë në Spitalin e Përgjithshëm të Kavadarit.

Sipas raportimit, lëndimin e ka pësuar gjatë kryerjes së detyrave të punës në Negotinë, si punëtor i ndërmarrjes publike “Komunalec” nga Negotina.