E veshur me tesha kombëtare, Xhuli gatuan ushqime tradicionale për shqiptarët në një restorant në Zvicër

Modelja e njohur shqiptare, Juliana Nura, është mjaft aktive dhe e ndjekur nga fansat në rrjetet sociale.

Ajo shpesh ndan me ta fotografi dhe video të ndryshme nga udhëtimet, jeta e përditshme apo aktivitetet profesionale në fushën e sportit dhe biznesit.

Gjatë qëndrimit në edicionin e parë të Big Brother VIP Kosova, Xhuli e kishte dëshmuar veten si një adhuruese e madhe e gatimeve tradicionale shqiptare.

Së fundmi, ajo ka publikuar një video në llogarinë e saj zyrtare në Instagram, ku shihet duke gatuar ushqime tradicionale e veshur me rroba kombëtare në një restorant shqiptar në Zvicër.

Lexo po ashtuXhuli Nura: Do t’i futem ndoshta edhe politikës, dua që zëri im të dëgjohet dhe t’i përfaqësoj denjësisht gratë

Që nga mishrat e deri te gatimi i flisë, bukuroshja drenicase duket se e ka bërë gjithçka me pasion, teksa gjatë gjithë kohës ka qenë e veshur me veshje tradicionale shqiptare.

“Familja ime me ka rritur me vlerat dhe traditat shqiptare dhe unë jam munduar që t’i përmbahem këtyre vlerave të trashëguara brez pas brezi”, ka shkruar ndër të tjerash bukuroshja Nura në Instagram.

Xhuli përndryshe është lindur dhe rritur në Finlandë në një familje shqiptare, dhe vjen në vizita të shpeshta në Kosovë. /Telegrafi/