Forenzika e Policisë nuk mundi ta hap GPS-in, Kajtazi: Sugjerojnë që pajisja të dërgohet jashtë vendit

Para disa ditësh gazetarit Vehbi Kajtazit, në veturën e tij iu vendos një gjurmues (GPS).

Sot, Kajtazi ka dhënë më tepër detaje lidhur me këtë rast.

Ai tha se Forenzika e Policisë së Kosovës, ka dërguar raport në Prokurorinë e Shtetit.

Sipas tij, Forenzika s’ka mundur ta hapë pajisjen në fjalë.

“Ata sugjerojnë që pajisja të dërgohet jashtë vendit”, tha Kajtazi.

“Pres që Prokuroria ta kryej punën e saj në mënyrë të pavarur dhe profesionale. Nuk do të dorëzohem derisa të zbulohet se kush më ka përgjuar dhe persekutuar tash e sa kohë”, shkroi ai në një postim në Facebook.