Kurti e pret në takim gjeneralin Clark, diskutojnë për zhvillimet rajonale

Kryeministri i Kosovës, Albin Kurti, e ka pritur në takim gjeneralin amerikan, Wesley Clark, njëherësh ish-komandant i NATO-s gjatë luftës në Kosovë.

Siç bëhet e ditur në njoftimin e zyrës së kryeministrit, Clark u interesua mbi planet zhvillimore të Kosovës, si dhe me Kurtin diskutuan “përparimin që ka shënuar vendi ynë”.

Në takim me Kurtin ishte edhe djali i ish-komandantit të KFOR-it.

“Bashkë diskutuan përparimin që ka shënuar vendi ynë, për zhvillimet aktuale rajonale, dhe për mundësitë e bashkëpunimit. Kryeministri Kurti falënderoi gjeneralin Clark për interesimin e vazhdueshëm për vendin tonë, për kontributin e tij të jashtëzakonshëm për çka i jemi mirënjohës gjithmonë”, thuhet në komunikatë.

Njoftimi:

Kryeministri i Republikës së Kosovës, Albin Kurti, mirëpriti në takim gjeneralin Wesley Clark, njëherësh ish-komandant suprem i NATO-s gjatë luftës në Kosovë e që vazhdon të mbetet mik dhe përkrahës i popullit dhe shtetit të Kosovës.

I shoqëruar nga i biri që i ka përtërirë emrin dhe bashkëpunëtorë nga vende të ndryshme, ushtaraku amerikan u interesua për planet zhvillimore të Republikës së Kosovës në një kohë të ndryshimeve dhe mundësive të mëdha në botë. Bashkë diskutuan përparimin që ka shënuar vendi ynë, për zhvillimet aktuale rajonale, dhe për mundësitë e bashkëpunimit.

Kryeministri Kurti falënderoi gjeneralin Clark për interesimin e vazhdueshëm për vendin tonë, për kontributin e tij të jashtëzakonshëm për çka i jemi mirënjohës gjithmonë.

Në takim, kryeministri Kurti u shoqërua nga Shefi i Stafit, Luan Dalipi, dhe zëvendësministri i Ekonomisë, Getoar Mjeku. /Gazeta 10/