Gashi: Gjatë vizitës në Uashington zhvilluam takim me zv/ndihmës sekretarin për Ballkanin Perëndimor, Aleksandar Kasanof

Kryetari i Kuvendit, Afrim Gashi gjatë qëndrimit të tij në Uashington ka zhvilluar takim me zv/ndihmës sekretarin për Ballkanin Perëndimor, Aleksandar Kasanof me të cilin, siç ka njoftuar Gashi, veç tjerash kanë diskutuar edhe për integrimin evropian të Maqedonisë së Veriut.

Njoftimi i Gashit:

Gjatë vizitës sime në Washington D.C., bashkë me Kryeministrin, kisha kënaqësinë të takohem me Zëvendës Ndihmës Sekretarin për Ballkanin Perëndimor në Byronë për Çështjet Europiane dhe Euroaziatike, z. Alexander Kasanof.

Konfirmuam partneritetin strategjik me SHBA-në, bashkëpunimin e suksesshëm në NATO, si dhe vizionin e palëkundur të vendit për integrimin në BE.

Ky ritakim, pas vizitës së tij në Kuvendin e Maqedonisë së Veriut një muaj më parë, ishte thelbësor për angazhimin në forcimin e lidhjeve dhe aleancës me SHBA-në.