Grainca nga radhët e VV-së: Jam thellësisht krenare për njerëz që me profesionalizëm japin impakt të gjerë pozitiv në shoqërinë tonë

Adelina Grainca, kandidate e VV-së edhe për një mandat si deputete, ka vizituar logopeden Elona e cila ka tash e 7-të vite që e ushtron këtë profesion.

Tutje poashtu Grainca për këtë është shprehur shumë krenare qe ne vendin tonë punojnë dhe bëjnë një punë të palodhshme.

Postimi i plotë:

Elona, me të cilën ishte kënaqësi të takohem e të diskutoj gjatë, prej 7 vitesh ushtron me përkushtim profesionin e logopedes. Me punën e saj të palodhshme, ajo ka trajtuar deri më tani rreth 350 raste me sukses, duke dhënë kontribut të jashtëzakonshëm për shëndetin dhe zhvillimin e fëmijëve me vështirësi në të folur.
Shembulli i saj tregon sa e rëndësishme është mbështetja për profesionistët si Elona, që përmes pasionit dhe përkushtimit ndikojnë pozitivisht në jetën e njerëzve. Unë jam thellësisht krenare për njerëz të tillë që me profesionalizëm japin impakt të gjerë pozitiv në shoqërinë tonë dhe do të vazhdoj të punoj palodhshëm për të mbështetur punën dhe suksesin e tyre.