Guler merr tri oferta, Reali merr vendimin përfundimtar

Real Madridi ka refuzuar tre oferta për mesfushorin e talentuar Arda Guler në dhjetë ditët e fundit.

OKDiario raporton se klubi mbetet i fokusuar në vlerësimin e zhvillimit të tij nën drejtimin e trajnerit të ri, Xabi Alonso.

Juventusi, Bayer Leverkusen dhe Newcastle kanë tentuar të negociojnë për transferimin ose huazimin e lojtarit turk.

Pavarësisht minutave të pakta dhe lëndimeve, Guler mbetet një nga talentet më të kërkuar te ‘Los Blancos’.

Juventusi e sheh si pjesë të rëndësishme të projektit të ri nën drejtimin e Igor Tudor.

Bayer Leverkusen dhe Newcastle gjithashtu e shohin si përforcim të madh për sezonin e ardhshëm.

Real Madridi nuk e ka në plan të lejojë largimin e tij dhe do ta monitorojë gjatë Kupës së Botës për Klube FIFA përpara një vendimi përfundimtar.