Ibrahimi: Koha e “Plakut të Soravisë” ka kaluar!

Kryetari i Alternativës, Zeqirija Ibrahimi, ka reaguar ndaj deklaratave të kryetarit të BDI-së Ali Ahmetit, i cili ka deklaruar se me VLEN-in në pushtet ka degraduar gjendja e shqiptarëve në RMV.

“Është e qartë tendenca e Plakut të Soravisë që gjendjen e ngushtë në të cilën gjendet ai personalisht dhe familjarisht ta përkthejë si “degradim i gjendjes së shqiptarëve”, por këto përralla nuk i beson më askush, madje as ata që më 2001 besuan në ideale të tjera të luftës, të cilat ai i shndërroi në përfitime materiale për vete dhe familjen e tij.
Koha Partisë Nongrata ka skaduar dhe askush nuk e vë më ujin më zjarr për ankesat e Plakut të Soravisë, i cili duket jashtëzakonisht i mërzitur që nuk po gjen më shqiptarë që u besojnë përrallave të tij, ndërsa malli për personat e listës së zezë amerikane sa vjen e i shtohet”, ka shkruar Ibrahimi.