Ish-zëdhënësi i Qeverisë, kuadër i BDI-së, Muhamed Hoxha kalon në LD-në e Izet Mexhitit

Kryetari i Lëvizjes Demokratike, Izet Mexhiti ka njoftuar se disa anëtarë të Degës së BDI-së në Saraj kanë kaluar nga radhët e partisë që e udhëheq ai.

Mes tyre, shihet edhe ish zëdhënësi i Qeverisë, i cili për disa mandate barte këtë funksion teksa në pushtet ishte Bashkimi Demokratik për Integrim.

Njoftimi i plotë i Izet Mexhitit:

Rruga e Drejtë Po Bashkon Forcat e Sinqerta!

Çdo ditë, rrugëtimi ynë po bëhet më i fortë, ndërsa gjithnjë e më shumë bashkëmendimtarë dhe ish-bashkëpartiakë tanë pa frikë, po bashkohen vizionit tonë të drejtë.

Sot, kënaqësi, ju njoftoj se Lëvizjes Demokratike po i bashkohen figura të rëndësishme dhe themeltarë të BDI-së, dega Saraj:

• Zeko Abazi – Themelues i Kuvendit të BDI-Saraj dhe anëtar i Këshillit Mbikëqyrës.

• Muhamet Hoxha – Ish-zëdhënës i Qeverisë së RMV dhe anëtar i Degës së BDI-Saraj.

• Jonuz Metushi – Kryetar i Forumit Rinor të BDI-Saraj.

• Hatif Shabani – Kryetar i Këshillit Vendor të BDI-Çajlanë.

• Bujamin Shabani – Anëtar i Nëndegës Svillare.

• Drita Feta – Koordinatore e Forumit të Gruas të BDI-Saraj.

Këta individë janë shtylla të forta që kanë dhënë kontribut të jashtëzakonshëm ndër vite dhe tani kanë zgjedhur të jenë pjesë e rrugëtimit tonë.

Ftoj të gjithë aktivistët dhe strukturat e ndershme të BDI-së që të bashkohen me ne në këtë përpjekje të sinqertë dhe të drejtë për një të ardhme më të mirë.

Mirë se vini në rrugën e drejtësisë dhe ndryshimit!

Bashkë jemi më të fortë, bashkë ndërtojmë të ardhmen!

The post Ish-zëdhënësi i Qeverisë, kuadër i BDI-së, Muhamed Hoxha kalon në LD-në e Izet Mexhitit appeared first on InfoShqip.com.