Javën e kaluar janë regjistruar 131 raste me Covid-19 në RMV

Javën e fundit janë regjistruar 131 raste me Covid-19 në vend, nga 379 materiale të testuara në laboratorët ku kryhet testimi molekular, njofton Instituti i Shëndetit Publik (ISHP) në RMV, përcjell Telegrafi Maqedoni.

Numri më i madh i rasteve të regjistruara janë nga Shkupi, Ohri, Tetova dhe Kavadari.

“Të sëmurët janë regjistruar në të gjitha grupmoshat, me numrin më të madh të rasteve të raportuara në grupmoshat mbi 60 vjeç. Javën e kaluar statusin e “të shëruarit” e kanë marrë 194 persona. Gjatë javës së kaluar nuk është raportuar asnjë vdekje e lidhur me Covid-19”, njoftojnë nga ISHP.

Pas një periudhe aktiviteti shumë të ulët, është shënuar një rritje e aktivitetit të SARS-CoV-2 brenda kontinentit evropian, përfshirë Maqedoninë e Veriut.

Personat mbi 60 vjeç janë në rrezikun më të lartë të sëmundjeve të rënda. Shtresat në spital të personave me Covid-19 të konfirmuar, pranimet në kujdesin intensiv dhe vdekjet mbeten të ulëta.