KINSIV do të hapë hetim për ngjarjen lidhur me sigurinë në qiellin mbi Shkup

Komiteti për hetim të fatkeqësive ajrore dhe incidenteve serioze (KINSIV) paralajmëroi se do të hapë hetim lidhur me ngjarjen e sigurisë në qiellin mbi Shkup më datën 7 të këtij muaji në të cilën është evituar ndeshja e dy aeroplanëve civil.

Kryetari i KINSIV, Zoran Ilievski për MIA-n deklaroi se menjëherë janë prëfshirë sepse bëhet fjalë për incident serioz.

“Të hënën hyjmë në M-NAV dhe do t’i kryejmë bisedat e nevojshme, do t’i dëgjojmë incizimet nga bisedat e kontrolluesve me pilotët e aeroplanëve, ndërkaq edhe do t’i shikojmë edhe xhirimet. Ne nuk konstatojmë faj. por shkakun e incidentit. Gjithashtu, do të kërkojmë deklarata nga pilotët e dy aeroplanëve përmes autoriteteve të tyre ajrore, e më pas do ta informojmë opinionin. Gjithçka tjetër për momentin do të jetë spekulim”, deklaroi Ilievski.

Ofruesi i shërbimeve të navigimit M-NAV, paraprakisht kumtoi se në afatin e paraparë është dorëzuar raport për ngjarjen e sigurisë dhe është hapur hetim për konstatimin e gjendjes faktike dhe shkaqeve.

Nga M-NAV potencojnë se ngjarjet e tilla si kudo në Evropë, çdoherë janë paraqitur me kohë dhe janë procesuar nga të gjitha sektorët relevantë.

“Më 7 shtator në orën 18:30 është dërguar raport për ngjarje të sigurisë në afatin e paraparë nga kryesit të cilët kanë punuar në sektorin e prekur. Në pajtim me rregullat dhe procesurat e parapara, raporti është regjistruar nga ana e sektorit IMS (Integreted Menagement Systems) dhe i është dërguar Agjencisë për Aviacionin Civil. Gjithashtu, në pajtim me procedurat valide, nga ana e sektorit IMS është hapur hetim për konstatimin e gjendjes faktike dhe shkaqeve për ngjarjen. Do të donim të themi se ngjarjet e këtilla si kudo në Evropë, çdoherë janë raportuar dhe procesuar nga të gjithë sektorët relevantë, shërbimet dhe institucionet, në pajtim me procedurat ekzistuese juridike”, theksoi M-NAV në kumtesë.

Paraprakisht nga AAC për MIA-n konfirmuan se veprojnë rreth ngjarjes së paraqitur nga Ofruesi i shërbimeve të navigimit M-NAV.

“Ofruesi i shërbimeve të navigimit M-NAV në mënyrë të rregullt e paraqiti ngjarjen dhe AAC do të veprojë rreth të njejtës”, deklaruan nga AAC.

Portali SDK.mk, duke iu referuar faqes për ndjekje të fluturimeve Flajtradar24, kumtoi se aeroplani i “Turkish erllajns” dhe i “Sanekspres”, për pak do të ndesheshin në qiellin mbi Aeroportin ndërkombëtar në Shkup më 7 shtator në orën 18:32.

The post KINSIV do të hapë hetim për ngjarjen lidhur me sigurinë në qiellin mbi Shkup appeared first on InfoShqip.com.